Qaaccessa Fayyadama Afaan Oromoo Barattoota Mana Barumsaa Jeneraal Taaddasaa Birruu Sadarkaa 1ffaa

Kaayyoon qorannoo kanaa mana barumsaa Jeneraal Taaddasaa Birruu keessatti haalli fayyadama afaanii maal akka fakkaatu xiinxaluudha.Maddi ragaalees barsiisotaafi barattoota mana barumsichaa yammuu ta‟an barattoota keessaafi barsiisota keessaa mala carraa fayyadamuun seenduubee isaanii irratti odeeffannoo funaannateera.Haaluma kanaan mala kaayyeeffataan barattootaafi barsiisonni yeroo waliin haasaa garaagaraa adeemsisan daawwachaa yaadannoo qabachuun ragaalee walitti qabateera.Meeshaalee funaansa ragaalee kanneen ta‟an afgaaffii, bargaaffiifi daawwannaatti dhimma baheera. Odeeffannoon argamanis mala amamtaafi akkamtaatiin qaacceffamaniiru. Argannoo kana keessattis fayyadama afaanii keessatti af-lamee kan waliin makaman darbanii darbanii jiraachuu, Afaan Oromoo dabalatee afaan garaagaraan barattoonni baroota kanaan duraa barachaa turuu, Barattoonni afaan garaagaraatiin barachaa turan amma magaalicha keessatti Afaan Oromootiin barachuun isaanii gara seenaa, duudhaa, afaan, aadaafi safuu hawaasichaa qabatanii akka guddataniif karaa saaquu, haalli fayyadama afaanii barattootaafi barsiisota gidduutti mul‟atu garaagarummaa kan qabu ta‟uufi haalli fayyadama daree barnootaa keessaafi alaa garaagarummaa kan qabu ta‟uu akkasumas jechootatti haala garaagaraatiin fayyadamuun isaanii haala bakka garaagaraa irraa walitti dhufan irraa kan madde ta‟uu illee qoratichi argannoo isaatiin bira gaheera.

Get Full Work

Report copyright infringement or plagiarism