Xiinxala Loogawwan Afaan Oromoo Arsiifi Harargee

Kaayyoon qorannoo kanaa loogawwan afaan Oromoo keesatti argaman keessaa loogawwan Arsii fi Harargee walbira qabee xiinxaluun beekkumsa ykn yaada dabalataa waaltina afaanichaatiif bu'uura kaa'uudha. Kaayyoo kanas galmaan ga'uuf, hojiiwwan walfakkii qaban afur sakatta'amee jira.Tooftaaleen funaansa ragaalee mala afgaaffiifi sakatta' duukmeentiitti dhimma itti bahamee jira. Ragaalee funaannaman kanneenis mala ammamtaatti gargaaramuun xiinxalamanii jiru. Haala kanaan bu'aan xiinxala qorannoo kanaa akka mul'isutti loogawwan Arsiifi Harargee sadarkaa dhamsagaatii hanga hiikaatti garaagarummaa kan qaban kan ibse yoo ta'u, keessattuu sadarkaa jechaataafi sadarkaa sagaleessuutti adda addummaan qaban bal'aa akka ta'e mul'isa. Koree waaltina Afaan Oromootin qophaa'an keessatti hiikni jechootaaf kennaman tokko tokko loogawwan lamaan keessatti garaagarummaa akka qaban hubachun da'amee jira. Garaagarummaan loogawwan lamaan gidduutti mul'atan waliigalteef dhiibbaa uumuu baatanis Afaan Oromoo waaltessuu keessatti garaagarummaaan uummamuun waan hinoolleedha. Kanaafuu garaagarummaa loogawwan lameen jidduutti mul'atan kana seera afaan waaltessuutiin koreen waaltina afaan Oromoo, barsiistonniifi barattoonnisadarkaa adda addaa, ogeeyyiin barnootaafi barreessittoonnii gahee keenya bahun imaanaa nurraa eeggamuudha.

Get Full Work

Report copyright infringement or plagiarism